Kop kan inti fo va, eng tihna chiah nge maw ni le??

1899 October thla khan Africa rama zalenna sual pawl pahnih leh British Empire te chu an indo vak a. Chumi laia an inbeihna hmun pakhat, Ladysmith, South Africa bula awih-tlan (hill) hming chawi chuan terrace tam tak inchhawrdawh diat diat ang chi hi Spion Kop (a tawi zawngin Kop) an ti a. Chumi kal zelah chuan 1906 khan Liverpool chanchinbu pakhat, Liverpool Echo-a an infiamna chanchin ziaktu Ernest Edwards chuan Anfield-a bang an siam, (pawn lam hliah nana an siam) chu 'Spion Kop' tia vuahin, chu chu an hmang ta zel a, 1928 khan stadium chung an siam tawh hnuah pawh hmang zelin, Anfield-a Liverpool tantu, au ring thei tak takte chu 'Kopites' an ti a. A hnu zelah goal hnung lama thutna chu Liverpool ruhkawl, a au ring thei theite an pe a, 'Kop end' an ti ta a, kan hmang ta zel a ni.

Liverpool chauh hi 'Kop' nei an ni lova, England-a club tam tak khuan 'Kop end' an nei a; a hranpain thutna an siam a, an zauh belh zel bawk a ni. Liverpool hi hetiang nei zinga club lian leh hlun an nih avangin tunah chuan a tantute sawi nan pawh 'Kop' tih an hmang ta zel a, keini pawhin 'ZoKop' te kan intih ve tak hi!

Tin, tunah hian Sheffield Utd. chuan kumin nipui lai vel atanga hman tan theih turin 'Kop end' mi 13000 thut theihna siam an tum a, chuti a nih chuan 'Kop end' nei lian ber an ni dawn a; mahse Liverpool hian Stanley Park-a stadium an sak hunah chuan mi 1,8000 lenna siam an tum ve thung.
(Ka hriat aia chianga hriate chuan khawngaihin han sawifiah teh u. Ka hriat dan a ve mai a nia, hre tak tak kan awm ka ring tlat..........)