Poulsen a lo kal dawn em??

Christian Poulsen-a aganet chuan Liverpool nen an inbiak tan thu sawiin, inremna erawh an hnaih dawn em tih a la hriat thiam loh thu a sawi.
Liverpool hian Mascherano an hralh dawn niin a lang a, Poulsen hi a hmunawl hnawhkhattu atan an duh a ni ang. Ziaktu thenkhat chuan Roy Hodgson hian tun transfer inhawn chhunga player pakhat lei nana sum a hman tam berna atan Poulsen hi a lalut dawn niin an ziak a. Juventus midfielder ni mek Poulsen hi Denmark international a ni a, Liverpool hian kum thum daih contract an zawrh niin Poulsen-a aiawhtu (agent) Joern Bonnesen chuan a sawi a. Hetih lai hian Bonnesen hi Den-mark lam-ah a let leh rih avang -in tun hnaiah chuan thil a fel dawn lo niin a lang thung.

Chinese mihausain Liverpool a lei dawn? Ba rulh, player lei, Stadium sak a sawi!!

Liverpool club chu Chinese sumdawn hausain a lei dawn hnai niin an sawi.

Hong Kong-a hmun khuar, Kenny Huang-a Company, QSL Sports Ltd. chuan Liverpool-a thuneihna pumhmawm an duh tih an sawi a; an lei thei ngei dawn niin a lang. A chhan chu April thla atang khan Liverpool hi zawrh a lo ni tawh a ni.

BBC in he Company mi leh sa a kawm pakhat chuam, ‘Insuan hun (Transfer window) a tawp hma hian hemi chungchang hi tihfel hman a ni ang,’ a ti a. ‘Huang hian a duh thu leh a ruahmanna te a thehlut tawha, Liverpool Club Board chuan hralh a nih thu puan chiah an hmabak tawh a, ni rei lo teah tihfel a ni tawh ang,’ a ti bawk a ni.

Huang hian kar engemawzat liamta atang khan Liverpool-in an dawr ber Royal Bank of Scotland a be tawh a. He club-a thuneihna chan a tumna kawngah hian hlawhchham a tum lo hle niin a lang. RSB hian Liverpool club neitu Tom Hicks leh George Gillet hnenah hian pound maktaduai 237 an puktir a ni.

Huang hian Liverpool-in RSB a ba an neihte rulh a intiam a, chu bakah manager thar Roy Hodgson chu player leina tur sum pek a tiam bawk. Amaherawhchu a lei dawn a nih chuan transfer hun inhawn lai, kar hnih tal a la awmah tihfel a duh a, a chhan chu Hodgson-a hi a player duh leina hun pek a tum a, hemi hun chhunga a lei fel theih loh chuan lei loh a tum ni a tarlan a ni bawk.

He sumdawngpa hian Liverpool club tan stadium thar sak a nih theih nana hma lak nghal a tum tih a sawi bawk a. Chinese Sporting industry-a mi lar tak, Basketball leh Baseball-ah phei chuan khawvel hriata inrawlh a ni a. QSL Sports Ltd. hi America-a Cleveland Cavaliers basketball team nena inthlunzawm niin, New York Yankees baseball team nen pawh an inzawm tha hle bawk.

1988 khan New York Stock Exchange-ah a thawk a, Chinese graduate zinga NY Stock Exchange-a thawk hmasa ber a ni.

2008 a hralh an tum laia pound mtd. 650 an chhiar pawh khan zawrh zingah a tel a, mahse to lutuk a ti a, a lei duh lova, tunah hian pound mtd. 350 in lei theih a tum a ni awm e.

Hicks leh Gillett te hian 2007 February thla khan pound mtd. 218.9 in an lei a, hemi bakah hian club hian pound mtd. 44.8 a ba bawk a, chu chu an rochung bawk a. Nasa taka tan lak an tum thu sawi mahse harsatna hrang hrang an tawk a; supporter-te’n an duh lova. Eng eng emaw a thleng chho zel a, an pahnih pawhin an inngeih lo chho zel a. Gillett chuan 2008 khan a share neih ve hralh a tum a, mahse Hicks chuan a dang tlat a. DIC-in pound mtd. 500 a lei an tum pawh Hicks hian phal lovin, amahin neih vek a tum nin a sawi a. Mahse chutiang chu a thleng lova, a tawpah chuan lei duh an awm tih sawiriin, hralh an tum thu an sawi ta nge nge a. British Airways hotupa Martin Broughton chu Liverpool chairman-ah ruatin, ani hian Liverpool hralh a nih dan tur a ruahman ang an ti a, tun hi an thleng ta a ni.

2010/11 FIXTURES FOR LIVERPOOL FC IN BARCLAYS PL

August
14 Arsenal (H)
21 Man City (A)
28 West Brom (H)


January
1 Bolton (H)
5 Blackburn (A)
15 Everton (H)
22 Wolves (A)


September
11 Birmingham (A)
18 Man Utd (A)
25 Sunderland (H)


February
2 Stoke (H)
5 Chelsea (A)
12 Wigan (H)
26 West Ham (A)


October
2 Blackpool (H)
16 Everton (A)
23 Blackburn (H)
30 Bolton (A)


March
5 Man Utd (H)
19 Sunderland (A)



November
6 Chelsea (H)
9 Wigan (A)
13 Stoke (A)
20 West Ham (H)
27 Tottenham (A)


April
2 West Brom (A)
9 Man City (H)
16 Arsenal (A)
23 Birmingham (H)
30 Newcastle (H)


December
4 Aston Villa (H)
11 Newcastle (A)
18 Fulham (H)
26 Blackpool (A)
28 Wolves (H)


May
7 Fulham (A)
14 Tottenham (H)
22 Aston Villa (A)