Transfer hun a inhawng chho dawn a, tu tu nge kan lak dawn tih hi kan ngaihven tlang hle awm e. Kan pu (Dalglish) hian ama style-in, Liverpool-ah hian English thisen kai ngei player, a tam thei ang ber lakluh a tum leh mek a. Hei hi he Liverpool club hian a thatpui ang em? Manager berin a manage thiam tur, English (tawng) duhtawka engkim a sawipui theih tur player a thlang hi amah berin a duh dan a nih chuan a that ngei kan beisei thei ang em?
Tun dinhmunah kan club nen hian player engemawzat sawi zawm an ni mek a. A hnuhnung berah chuan Wigan midfielder James McCarthy, pound maktaduai 10 man vel tur hi a ni. McCarthy hi Glasgow (a hming hi ka chhut sual ve ziah, 'Glascow' tih a awl! lolz.) a piang a ni a. English chu an inti chiah lo ang a, mahse keini leh khawvel ngaih chuan 'Sap dik tak' an ni. (Kenny pawh hi a ni tho em?)
Liverpool hian tlar hma sira tlan tur, wide-man pahnih tal, central midfielder pakhat, left-back leh centre-back pakhat ve ve tal tun player insuan hunah hian lei an tum a, thei tak maw?
Aston Villa star Ashley Young hi kan target no. 1 a ni a, chutih laiin Reenes atangin Sylvain Marveaux chu free transfer-in a lo kal thut maithei bawk a. Attacking midfielder, Lille-in £20m an chhiar Eden Hazard kan hel mek bawk a. Mahse ani hi chu club dang pawhin an hel nasa khawp mai.
Bolton centre-back Gary Cahill leh Blackburn star Phil Jones pawh kan melh mek a, chutih lai chuan Newcastle star Jose Enrique hi left-back ah chuan kan pute lung dum ber a ni rihin an sawi.
Tih theih kan nei tlem hle na a, duhthu erawh kan sam ve thei tho ang chu. Duhthu han sam teh u.
2 comments:
Hazard hi kei aia ni 10 vela upa chauh ani bok a,Attacking midfield a tan k duh ber. wide ah poh a awm thei tho bok si. Wide man dang atn chuan bale hi ka awt. Uihnited ho hian Young hi min chujpui mahsela, kan chan a beiseiawm zok. Adam poh hi tha tho, January khn kan lo dawr toh a, tun tum chu kan hlawhtling ring leh ang.a ball sem atha a, goal poh voi 12 lai akhung kha. tlar hnug hi chu kan tha viau in ka hria. mahse lakbelh chu kan ngai.jose enrique hi keipoh tha ka ti. kan kal danah hi chuan keini aia fing zawk ten a tha an tih chuan tha ka ti ve mai.mahse team kalphung thlak nasat eroh kan chhiatpuia hlauhthawn awm.
James McCarthy hi an sawi hnaivai khawp mai. Wigan hian player an chherchhuak tha thei fu asin.
Post a Comment